Dive into the archives.
- 偷聽
午飯時間找藉口一個人留在辦公室內偷聽雨聲和愛難留。
p.s.追加這個時同事闖進來…老尷….
- 十隻有時穿過有時穿唔過流行曲
一見鄧小樺寫就非常恨寫，無奈無法理解「不可穿越」四字，因此遲遲未敢下筆。今日再讀其解釋：「『不可穿越』意即：頹廢．軟弱．深淵」，決取其當中「軟弱」之意選曲！以下十首，能否穿越要看精神狀態及天氣情況而定。
1. 綿綿／陳奕迅／有條茂利同我講呢首歌最適合落雨天聽
2. 記念／蔡健雅／氣味．時差．二十歲
3. 不要愛我／莫文蔚／演唱會後四圍挖莫文蔚，收集一大堆中其中一首，一聽腳痺
4. 擁抱／五月天／不知何故，時常想起第一次在Ｋ房聽小米唱的畫面
5. 再見二丁目／楊千樺／老套，又勁想喊
6. 心動／林曉培／咦∼核突呀你！
7. 微涼／林憶蓮／本來想揀日與夜，但係好”lup”，微涼爽Ｄ
8. 淚橋／伍佰／偶然想起跟我在city super捉依因的長髮人
9. 我不難過／孫燕姿／er…因為講貪新忘舊？
10. Unconditional Love／Shiina Ringo／本來淨係揀中文歌，但係揀到尾，well，好難無佢份．．．
*試聽自便。
- 狗生活
每天工作14小時／站在火車站因為雙腳太酸而流眼淚／想起「大把人慘過你」唔知點解會自責和慚愧／回到家將冷飯菜汁倒進那個叫口的洞然後很想吐／沒有氣力於是丟下一個好朋友／趕頭趕命在巴士站抽半支煙大力吸氣／兩隻靈魂之窗由早朦到晚不知與靈魂的狀態有沒有關係／桌上放著還未拆的綠色信封／跳上非法村巴發現曬得一片紅一片黑的司機是叫不出名字的小學同學／媽媽說已賣掉我的龍鳳手扼／看飯氣咀角卻牽不起／每天都說放工要剪頭髮／９成慾望與錢有關／還有兩星期就到換身份証的限期／幻想一個不存在的假期不存在的擁抱／在太陽的照耀下只有汗，一點也不感到溫暖／早上７時一篤雀屎丟正頭頂／明天不是未來。
- 速記五月天
1. 我抵死! 我整壞姿勢8點半入場搞到睇唔到開場聽唔到孫悟空!
2. 右腳un左兩首歌之後開始扯住背脊痛。
3. 無論ung到幾前都睇唔到冠佑個樣。下次可唔可以將套鼓放係台中間。
4. 原來未起紅館睇過band show(佢地算唔算係band呢…), 好勁架喎!
5. 見到陳老師係會喊架!!!! (同阿信合唱瘋狂世界, 同五月天夾吉他手, 獨唱旅行的意義)
6. 成場第一次喊唔係因為五月天有d內疚…
7. 開始發現怪獸好似好型0既時候, 冠佑行出黎唱歌跳舞, 野!
8. 士杰唱得好大聲。
9. 點解會有周華健0既?
10. 聽憨人真係會喊架! (仲要係同麥兜合唱添。麥兜唱閩南話, 問你怕未?!)
11. 我地香港人再次發揮趕到唔走0既精神, 搏得夾硬encore一首||自-由!! (全場大合唱牙關叫佢地出黎喎, 唔同平時0個d賴死架…)
12. 埋單11點9。腳震。走音。下次應該買400蚊。
