M:

唯一記得新加坡的兩件事：St. James和叻沙。St. James的狂喜隨時間、年齡、體力，可一未必可再；但要再嘗叻沙的美好，則算是比登天易一點。
去新加坡之前未吃過叻沙，看到叻沙二字也不會唸。剛到埗那天朋友隨意帶我們到某大商場的Food Court醫肚，我便隨意點了一碗叻沙。誰知一吃便愛上。香、辣、不知名的麵類（聽說是粉絲？）、超入味的豆腐卜、大頭蝦、魚片、和名字嚇死人但十級鮮甜的血蛤（nickname ‘Hum’)，最後被我連湯帶碗幹掉！之後幾天一到吃飯的時間就去找叻沙，無論在唐人街抑或Red Hill的屋村大排檔，價錢由3-8蚊坡紙不等。各有風味，卻未有一次叫人失望。最後，叻沙之旅以著名的*真善美claypot laksa作結。
回來後，以為香港離新加坡不過兩小時，要找像樣的叻沙應該不難。的確，打開Openrice就有好幾個選擇。可是試了幾間，發現完全不是那回事。味道唔夠班之餘仲唔平。原本三十蚊唔駛一碗叻沙，在香港就賣到六七蚊或以上。最糟的是，那種味道，再嘗不到。
對叻沙的思念，斷斷續續維持了一年。想著想著，就跑去星航網頁看看有無promo。既然找不到，就唯有再去啦，雖然請假又難，又唔平，新加坡又無咩好玩．．．
然後有一天，老媽鬼鬼祟祟走過來。
媽：噯，你係咪好想食叻沙？
我：係呀係呀！你有辦法？（有如蛇仔明遇著白粉強）
媽：嘿嘿。。。

王師奶homemade叻沙！

原來老媽在東南亞雜貨店買到「地道」（不知哪裡的地道）叻沙湯底。因為怕做得不好我會失望，所以之前已經偷偷找老爸做過幾次白老鼠。最後她自覺似樣喇，才來顯寶。
我：哇！勁呀！正呀！（欠缺詞彙的的初中生反應）
媽：似唔似，似唔似？（超焦急）
我：似呀，直頭好似新加坡一樣！

其實。
其實又點會好似新加坡一樣。不過，媽媽是如此這般記掛著我的無聊渴望，把我對叻沙的誇張形容和吹捧都一一記在心裡。於是在風大雨大又要加班的夜深，我得到一碗獨一無二的媽媽的叻沙。

後記：
之後連續吃了兩星期叻沙（！）。只要我在家，無論是早、午抑或晚，老媽都會把握機會顯寶。
我：媽，我想我暫時不想吃叻沙了．．．（無奈）
媽：哦，OK！（天真可愛地捧上兩星期內第十四碗叻沙）
-_-||

備駐：真善美在Vivo City的Food Republic（即係food court)有分店，可以嘆冷氣，不用專程走去Depot Road大排檔。重重重點是，St. James就在Vivo City旁邊！

Tags: 新加坡