* 星期五放工
Posted on January 15th, 2010 by M. Filed under 憨性.
我是一個OL。雖然自以為與別不同，但是星期五，我也只不過想6點sharp直奔happy hour；或者直標屋企全晚喪tab iphone。一日十幾個鐘，不要說政治，放工後任何正經野我也不想提不想諗，如果可以不用腦最好。我知道地球暖化要立即救亡刻不容緩，我也知道政府亂9咁0黎唔會解決貧富懸殊叫我無錢就搬去大陸，但是正常情況下我會得不把這些東西放在心上，因為我實在沒有精神時間去動氣，我要把精力留給工作，留給家人，我只想日日番工踏踏實實做我的OL。那些拯救地球改變世界的事就由其他人去做吧，總有人會做的。
一般來說，星期一至五我比較傾向這樣，遇上工作繁忙就更加寧願這樣。每天出門前我會看一節新聞，確認再沒有飛機撞向大廈就可以了。也不讀報紙，誰要知道神棍騙0靚模的細節。我上班，努力工作，盡量不對任何工作以外的事發表意見，因為撞二百次板之後終於明白：(1)其實沒有人真正有興趣知道你的想法；(2)不要嘗試說服任何人。明知大家活在兩個世界，就不必太過介懷彼此之間的分歧。
那天苦行者來到公司樓下。同事問我：喂，你有無見到0個d八十後？佢地行0黎呢度做咩呢？同埋點解要唔著鞋呢？clerk妹也搭咀：係喎，佢地反高鐵架喎。而我，明顯忘記自己在公司，竟然想打蛇隨棍上：你知唔知我地每人要拎一萬蚊出0黎起呢條時速最高只得200公里0既高鐵。26公里要成7百億喎。武漢0個條成千公里先起左9百幾億喳！我以為鐵證如山定必震撼人心，刺激思考，啟發討論！點知同事答：「其實我交好少稅0架喳，嘿嘿」跟手坐低。clerk妹一聽到交稅二字亦即答：「咁我直頭未交過稅啦」又順手收線。留低我一個人企起條走廊中間。
是很容易的，你搵到與隔離位不同的地方圈出來就可以分單。於是大家趕住認：我唔係納稅人；我唔係知識分子；我唔係民主派；我唔係八十後。係0個d人搞緊0個d野之嘛，總之我唔係0個d名0個d組別0個d人，就唔駛理。原來最原始最陰濕的標籤分化仍然非常湊效。
老套一句，我們是不是都住在同一條村，條村叫香港呢。我們是不是都有個共同身份，叫做香港人呢。
如果只要在Facebook share各種論述就能引發大眾思考討論就好；如果只要在plurk慷慨陳詞就能說服政府從詳計議就好；如果星期五放工可以即刻去happy hour就好；但是如果只有站在他們面前，那些在政府裡工作的人才會聽到：喂，雖然我地好忙做野好辛苦完全唔想理你因為supposed政府就係幫我地搞掂ｄ野等我地唔駛煩，但係你亂9咁0黎求求其其諗住是Q爛旦hea左我地個城市我地知架喎，請你唔好咁樣對待呢個我真係當屋企0既地方好唔好。如果是這樣，咁星期五放工我就唯有去立法局。
One Response to “星期五放工”
Leave a Reply
open ur eyes
categories
archive
tags
-
National Mall
Park Hyatt Tokyo
Reflecting Pool
tokyo
Washington DC
北京
南京
同里
墾丁
大澳
寧浩
憭拙??
成都
王渤
盧廣仲
蕭敬騰
蘇州
電影節
電影節
飯氣
香蕉灣
January 22nd, 2010 at 16:27
clerk妹 -____-”